Wise-premýer, daşary işler ministri Raşid Meredow RF-iň Hökümetiniň wise-premýeri, Ykdysady hyzmatdaşlyk boýunça hökümetara toparynyň Russiýa tarapynyň baştutany Alekseý Owerçuk bilen çarşenbe güni geçiren telefon arkaly gepleşiginde COVID-19 wirusynyň pandemiýasynyň ýaýramagyna garşy göreşde ýakyn hyzmatdaşlyk meselelerini maslahatlaşdy.
Gürrüňdeşligiň dowamynda taraplar Türkmenistanyň we Russiýanyň Prezidentleriniň şu ýylyň 12-nji maýynda bolan telefon gepleşiginiň netijesinde gelnen ylalaşyklary ýerine ýetirmek baradaky meseleleri ara alyp maslahatlaşdylar, şeýle hem Beýik Watançylyk urşunda gazanylan ýeňşiň 75 ýyllygy mynasybetli birek-biregi gutladylar.
Taraplar Ykdysady hyzmatdaşlyk boýunça hökümetara toparynyň çäklerinde ikitaraplaýyn söwda-ykdysady aragatnaşyklary giňeltmek babatynda geljegi uly bolan öň bellenen ugurlary ara alyp maslahatlaşdylar.
Türkmenistan we Russiýa koronawirus pandemiýasyna garşy göreşde hyzmatdaşlyk meselelerini maslahatlaşdy
- 14.05.2020 13:12
- 12k+
