13-nji maýda BMG-niň Aşgabatdaky wekilhanasynyň binasynda wideoaragatnaşyk arkaly geçirilen iş maslahatynda COVID-19 koronawirus keseliniň ýurdumyzyň çäklerine aralaşmagynyň mundan beýläk-de öňüni almak boýunça çäreleriň amala aşyrylyşy, BSGG bilen bilelikde barlaghanalarda degişli anyklaýyş işleriniň geçirilişi baradaky meseleler ara alnyp maslahatlaşyldy.
Iş maslahatyna ýurdumyzyň Saglygy goraýyş we derman senagaty ministrliginiň ýolbaşçylary hem-de hünärmenleri, şeýle hem Bütindünýä saglygy goraýyş guramasynyň bilermenleri gatnaşdy.
Nygtalyşy ýaly, Bütindünýä saglygy goraýyş guramasy bu möhüm ulgamda öz işläp taýýarlamalaryny Türkmenistana bermäge taýýardyr, Türkmen döwleti bolsa öz nobatynda ýurduň çägine ýokanjyň aralaşmagynyň öňüni almak boýunça Prezident Gurbanguly Berdimuhamedowyň tabşyrygy boýunça görlen öňüni alyş çäreleri babatda tejribe alyşmaga taýýardyr.
BSGG COVID-19 boýunça öz işläp taýýarlamalaryny Türkmenistana bermäge taýýar
- 13.05.2020 23:11
- 5.9k+
