2020-nji ýylda uçýan elektromobilleriň ilkinji ýaryşy geçiriler

Şu ýylyň ikinji ýarymynda doly derejeli elektrikleşdirilen motor bilen üpjün edilen uçýan awtomobilleriň dünýäde ilkinji ýaryşy geçiriler. Bu barada car.ru habar berýär.
Geçen ýyl Alauda kompaniýasynyň öndürijileri Airspeeder elektromobilleriniň ilkinji prototipi bilen tanyşdyrdylar. Uçýan elektrokary synagdan geçirme bilen amerikan harby uçarmanlary meşgullandy. Ýaňy-ýakynda Alauda kompaniýasy MK4 täze modeliň çykarylyşyny anons etdi. Häzir ol ahyrky barlaglardan geçýär.
Uçýan elektromobiller awtomobilçileriň, şeýle-de şeýle prototipleri hödürlemegi niýet edinýän beýleki kompaniýalaryň işläp düzüjileriniň ünsüni özüne çekdi. Elektrikleşdirilen awtomobilleriň gurşawy barha giňeýär, şonuň üçin öndürijiler şeýle ýaryşyň geçirilmeginiň peýdaly boljakdygyna we awtomobilçileriň has köp bölegini özüne çekjekdigine ynanýarlar. 
Ýaryşy häzir geçirmek üçin şu ugurdan iş alyp barýan iri awtomobil konsernleriniň ýolbaşçylarynyň arasynda maslahat geçirilýär. Deslapky maglumatlara görä, ýaryş ABŞ-da geçer.
Çykarylan elektrikleşdirilen uçýan ulaglaryň ählisi olara hatda has ýokary tizlikde-de heläkçilik hadysalarynyň ýüze çykmagyndan gaçmaga mümkinçilik berýän ýörite datçikler bilen üpjün ediler. Uçýan elektromobiller sagatda 240 kilometre çenli bat alyp bilýärler. Awtomobilleri dolandyrmak üsti ýetirilen reallyk režimi bilen amala aşyrylar. Synag uçuşynyň Adelaida çölünde geçmegi mümkin.
Guramaçylar tomaşaçylar ýaryşa onlaýn režimde tomaşa edip bilerler diýip çaklaýarlar. Ýöne turnire ýokary wezipeli myhmanlary çagyrmak meýilleşdirilýär, olar ýaryşa janly tomaşa edip bilerler.