Wirus ýewropanyň awtogurluşykçylaryna uly zyýan ýetirdi: epidemiýanyň esasynda pudakda satuwyň düýpli pese gaçyş derejesini bellige aldyrdy. Aprel aýynyň maglumatlary boýunça, Italiýada we Beýik Britaniýada täze awtomobilleriň söwdasy geçen ýylyň degişli döwri bilen deňeşdirilende tas 100% pese gaçdy. Ispaniýa bilen Irlandiýanyň awtogurluşykçylary aprel aýy boýunça az tapawut bilen hereket etdiler. Fransiýa bilen Portugaliýa olara garanda şowly görünýär: ol ýerde täze ulaglaryň satuwy degişlilikde 88 we 85% kemeldi. Bu barada Euronews habar berýär.
Ýyllyk hasaplamada täze ulaglaryň satuwynyň pese gaçyşy ýewropa bazarynda 52%-e barabar bolýar. Awtogurluşykçylaryň Ýewropa Assosiasiýasynyň habar bermegine görä, bu gurama tarapyndan bazar monitoringi geçirilip başlanandan, ýagny 1990-njy ýyldan bäri iň ýokary pese gaçyş bolup durýar.
Britan ekspertleri aprel aýy awtosenagat üçin 1946-njy ýyldan bäri iň “erbet” aý boldy diýip hasaplaýarlar.
Hünärmenler pudakdaky söwdanyň pese gaçyşyny kärhanalardaky karantin, ýygnaýjylar bilen bagly ýüze çykýan näsazlyklar, erkin hereket etmeklige gadaganlyklar we ilatyň alyjylyk ukybynyň pese gaçyşy ýaly global çäklendiriji çäreler bilen baglanyşdyrýarlar.
Ýewropanyň awtosenagaty alyjylaryny ýitirdi
- 08.05.2020 23:28
- 3.3k+
