Audi, Volkswagen we Porsche awtomobillere kepilliligi 3 aý uzaltdylar

Audi, Volkswagen we Porsche üç nemes awtomobil kompaniýasy özleriniň müşderileriniň “özüňi üzňelikde saklamak” režiminde bolmagyny ýeňilleşdirmek kararyna geldiler we öz modelleriniň kepillendirilen hyzmat ediş möhletini üç aý uzaltdylar. Bu barada car.ru habar berýär.
Häzirki wagtda köp ýurtlar maliýe çökgünligi wagtynda özleriniň ykdysadyýetini saklamak üçin girizilen çäklendirmeleri ýuwaş-ýuwaşdan gowşatmagy meýilleşdirýärler.
Täze awtomobili satyn alyjylaryň häzir tehniki hyzmat edişden geçip bilmeýändikleri ýa-da satyn alnan ulagy bejerdip bilmeýändikleri üçin, käbir nemes kompaniýalary satylan modelleriň kepillendirilen möhletini ýüz gün uzaltmak kararyna geldiler.
Volkswagen AG konsernine girýän iň meşhur brendler birwagtda özleriniň 2020-nji ýylyň 1-nji martyndan 31-nji maýyna çenli aralykda gutarýan kepilnama borçlaryny artdyrdylar.
Öň Günorta Koreýa kompaniýalary Hyundai bilen Kia hem 2020-nji ýylyň 30-njy iýunyna çenli tamamlanýan kepil möhletini uzaltdy. Aston britan öndürijisi hem birnäçe gün mundan öň şeýle pikiri teklip etdi.
Awtomobil senagaty dünýä ykdysadyýetiniň iň bir zyýan çeken ugurlarynyň biri boldy. Ýapylan diler merkezleriniň we kärhanalarynyň maliýe ýitgileriniň öwezini dolmak üçin köp awtokärhanalar medisina enjamlarynyň önümçiligine başladylar.