Türkmen oba hojalyk uniwersitetinde geçirilen maslahatda «Türkmen alabaý itleri» assosiasiýasyny döretmek barada resminamalar kabul edildi. Ses bermegiň netijesi boýunça Assosiasiýanyň ýolbaşçysy wezipesine Serdar Berdimuhamedow biragyzdan saýlanyldy.
Täze assosiasiýanyň öňünde hem alabaýlaryň gymmatly häsiýetlerini gorap saklamak we ösdürmek wezipesi durýar. Bu tohumyň kemala gelmegi babatda asyrlardan gelýän däplere eýerilmegi onuň ajaýyp häsiýetlerini saklamaga kömek eder. Şol häsiýetler türkmen alabaýlaryny beýleki tohum itlerinden tapawutlandyrýar.
Ýatladyp geçsek, 2019-njy ýylyň sentýabrynda ýurdumyzda «Türkmen alabaý itleri» hojalyk jemgyýetiniň binalar toplumy açyldy. Ol ýurdumyzda şonuň ýaly ilkinji desga bolup, bu ýerde türkmen alabaýlarynyň ady rowaýata öwrülen tohumlaryny hünär derejesinde ösdürip ýetişdirmek bilen meşgullanylýar.
Serdar Berdimuhamedow täze döredilen «Türkmen alabaý itleri» assosiasiýasyna ýolbaşçy saýlanyldy
- 01.05.2020 23:07
- 11k+
