Sportkarlary öndüriji italýan kompaniýasy Ferrariniň Formula-1 klasynda awtoýaryş boýunça dünýä çempionatyndan gitmegi ahmal. Markanyň ýolbaşçylygynyň nägileliginiň sebäbi toparyň býujetiniň ýokary derejesiniň ýene-de peseldilmegi boldy.
Italýanlar býujetiň ýokary derejesi möwsümde 130 mln-a çenli peselen ýagdaýynda, 2022-nji ýyldan Formula-1 klasynda dünýä çempionatynyň ýaryşlaryna gatnaşmagy bes etjekdiklerini habar berdiler. Maranelloda kabul edilen şeýle karar barada “The Guardian” gazetine salgylanmak bilen quto.ru habar berýär. FIA-nyň we Formula-1-iň toparynyň ylalaşygyna laýyklykda, 2021-nji ýyldan ýola goýulmasy meýilleşdirilen öňki çäk 175 mln dollara barabar boldy. Koronawirus pandemiýasy sebäpli bu pul möçberini indiki ýyldan 145 mln-a çenli, 2022-nji ýyldan 130 mln-a çenli azaltmak teklip edildi.
“Ferraride” täze talaby ýerine ýetirmegiň işgärleri ep-esli azaltmazdan mümkin däldigini bellediler. Italýan topary, ýatlap geçsek, Formula-1-iň tutuş çempionatynyň esasy nyşany hasaplanylýar, şonsuz ol göni manyda dargamak howpunyň astyna düşýär.
Muňa garamazdan, ýaňy-ýakynda komandada ýolbaşçylygyň “Formula-1-den” gitmek pikiriniň ýokdugy bellenildi.
Ferrari Formula-1-den gitjekdigi bilen gorkuzdy
- 25.04.2020 06:46
- 4.2k+
