Daşary işler ministrliginiň howandarlygynda Halkara ynsanperwer ylymlary we ösüş uniwersitetinde wideoaragatnaşyk arkaly Birleşen Milletler Guramasynyň bilim, ylym we medeniýet boýunça guramasynyň (ÝUNESCO) Baş direktorynyň orunbasary Şamila Nair-Beduel bilen duşuşyk geçirildi.
Söhbetdeşlige Bilim ministrliginiň we Ylymlar akademiýasynyň, S.A.Nyýazow adyndaky Türkmen oba hojalyk uniwersitetiniň, Halkara ynsanperwer ylymlary we ösüş uniwersitetiniň ýolbaşçylary gatnaşdylar.
Duşuşygyň barşynda oňa gatnaşanlar ýokary bilim we ylym babatda Türkmenistanyň ÝUNESCO bilen hyzmatdaşlygynyň ileri tutulýan ugurlary barada pikir alyşdylar. Şamila Nair-Beduel ylym bilen tehnologiýalaryň arasyndaky baglanyşdyryjy halka hökmünde bilimiň ähmiýetini nygtap, bu ulgamyň wekillerini ÝUNESCO-nyň geljegi uly taslamalarynyň birnäçesine, şol sanda oba hojalygyny ösdürmek, suw serişdelerini rejeli peýdalanmak, daşky gurşawy goramak bilen baglanyşykly «Mikro nauka» taslamasyna we beýlekilere gatnaşmaga çagyrdy.
Belläp geçsek, Türkmenistan 2014-nji ýyldan 2016-njy ýyl aralygynda, soňra bolsa 2017 — 2020-njy ýyllarda ösüş maksatlarynda BMG-niň ylym we tehnika boýunça komissiýasyna iki gezek saýlandy.
Türkmenistan we ÝUNESCO bilim ulgamynda hyzmatdaşlygy berkidýär
- 24.04.2020 14:23
- 2.7k+
