Toyota Hytaýda 256 müň sany awtomobilini yzyna gaýtarýar

Toyota ýapon awtoöndürijisi benzin beriji ulgamynyň işinde näsazlyklaryň bardygy sebäpli hytaý bazaryndan ýerli önümçiligiň we import modelleriň 256 müňden gowrak awtomobillerini yzyna gaýtarýar. Bu barada HHR-iň bazaryny sazlamak boýunça Döwlet edarasy habar berýär, muny Trend TACC-a salgylanmak bilen ýetirýär.
Edaranyň saýtynda bellenilişi ýaly, näsazlyk daşary ýurtdan getirilen Lexus modelleriniň 60 müňüsinde, şeýle-de kompaniýanyň Hytaýyň Guançžou, Týanszine, Çançune we Çendu şäherlerindäki dört sany kärhanasynyň konweýerinden çykan Camry, Coaster, Corona, Highlander, Land Cruiser we Prado modelleriniň 200 müňüsinde ýüze çykaryldy. Yzyna gaýtarylan ähli modeller 2013-nji ýyldan 2019-njy ýyl aralygynda öndürilipdi.
Hünärmenleriň pikiriçe, pes basyşly benzin nasosyndaky näsazlyk sürüjiniň we ýolagçylaryň howpsuzlygyny howp astyna goýmak bilen hereketlendirijiniň işiniň bozulmagyna getirip bilýär.
Şu ýylda awtomobiliň näsazlygy astyna düşen awtomobil eýeleri tölegsiz bu näsazlygy anyklamak we abatlaýyş işleri üçin öndürijiniň Hytaýdaky diler merkezlerine ýüz tutup bilerler. Kompaniýa şu bozuk modellerdäki benzin nasoslaryny hem çalşyrmaga taýýar.