Nebitiň çykarylyşyny çäklendirmek boýunça OPEC+ ylalaşygynyň çäklerinde gazanylan ylalaşykdan soň, Saud Arabystany Aziýa döwletlerinden satyn alyjylar üçin ýangyjyň bahasyny arzanlatmagy meýilleşdirýär, diýip Orient agentligi habar berýär.
Saud Arabystanynyň Aramco döwlet nebit kompaniýasy Aziýa üçin ýeňil çig nebitini maý aýy boýunça täze bahasyny Oman/Dubaý boýunça orta görkezijä barabarlykda ýeňillikli 7,3 dollar bahadan goýdy. Bu bolsa aprel aýyndakydan 4,2 dollar aşakdyr, diýlip Reýter agentligi tarapyndan neşir edilen resminamada bellenilýär. Şol bir wagtda ABŞ üçin maý aýy boýunça baha aprel aýyndakydan 3 dollar ýokary bolar. Demirgazyk-Günbatar Ýewropa üçin bahalar üýtgewsiz galdy.
Ýatlap geçsek, uzaga çeken gepleşiklerden soňra Russiýa, ABŞ we Saud Arabystany dünýä bazarlaryny durnuklaşdyrmak we dünýä ykdysadyýetiniň durnuklylygyny üpjün etmek maksady bilen nebitiň çykarylyşyny tapgyrlaýyn ýagdaýda çäklendirmek hakynda täze OPEC+ ylalaşygyny baglanyşmak boýunça ylalaşdylar.
Ylalaşyga goşulan döwletler şu ýylyň maý-iýun aýlarynda «gara altynyň» çykarylyşyny günde 9,7 mln barrel çäklendirerler.
Саудовская Аравия установил сниженные цены на нефть для азиатских покупателей
- 14.04.2020 09:51
- 7.6k+
