Tesla kompaniýasyna mart aýynda Hytaýda 10 160 sany elektromobili satmak başartdy, bu bolsa dünýäniň uly awtomobil bazarynda aý boýunça iň ýokary görkeziji bolup durýar. Bu barada iXBT portaly ýeňil awtomobilleriň Hytaý assosiasiýasy (ÝAHA) tarapyndan neşir edilen satuw baradaky maglumatlara salgylanmak bilen habar berýär.
Tesla kompaniýasy 2 mlrd dollara düşen Şanhaýdaky kärhanasynda Model 3 sedanyndan 150 000 sanysyny çykarmagy meýilleşdirýär. Hytaýda satylan elektromobilleriň jemi sanynyň 30% töweregi akkumulýator elektromobillerine degişlidir.
Ýeňil awtomobilleriň Hytaý assosiasiýasynyň maglumatlary boýunça, fewralda Tesla 3900 töweregi awtomobil, ýanwarda bolsa 2620 sany awtomobili satdy. Çeşme ÝAHA-nyň hasaplama boýunça ulanýan usulynyň Teslanyň ulanýan usulyndan tapawutlanýandygyny belleýär.
Ýeňil awtomobilleriň umumy satuwy mart aýynda ýyllyk görkezmede 40,8% pese düşdi.
Teslanyň elektromobilleriniň satuwy Hytaýda mart aýynda rekord derejä ýetdi
- 13.04.2020 23:01
- 2.6k+
