Koronawirus sebäpli soňa goýlan Pekin halkara awtosalony üstümizdäki ýylyň 26-njy sentýabryndan 5-nji oktýabra çenli aralykda geçiriler, ýagny ol 9 gün dowam eder, bu barada onuň guramaçylary duşenbe güni habar berdiler.
Ilkibaşda awtoşüweleňi aprel aýynyň 21-inden 30-y aralygynda geçirmek meýilleşdirilipdi, ýöne fewralda Hytaýy gurşap alan koronawirus sebäpli çäräniň ýazda geçirilmejekdigi belli boldy. Häzirki wagtda Hytaýdaky ýaşaýyş ýuwaş-ýuwaşdan gowulanyp başlady, COVID-19-yň ikinji gezek ýaýramak ähtimallygyna garamazdan, ýurduň köp etraplary açylyp başlandy, kompaniýalar özleriniň önümçiligini işe girizýärler, ýöne häzirlikçe awtomobile bolan islegler pes.
Şol bir sebäp bilen Ženewada hem, Nýu-Ýorkda we Detroýtde hem birnäçe awtoşüweleňler ýatyryldy diýlip autorambler saýtynda bellenilýär. Oktýabra meýilleşdirilen Pariždäki awtoşüweleňiň guramaçylary onuň formatyny üýtgetmeli boldular, ýagny premýeralaryň köpüsi onlaýnda geçmeli. Moskwadaky awtosalon awgusta süýşürildi, ýöne heniz geçiriljekdigi hem näbelli.
Pekindäki awtosalon – Frankfurt we Detroýt awtosalonlary bilen bir hatarda dünýäde iň uly awtoşoularyň biri hasaplanylýar. Ol 1990-njy ýyldan bäri Şanhaýdaky awtosalon bilen gezekleşdirilip her iki ýyldan bir gezek geçirilýär. Şu ýylda geçiriljek awtoşüweleň hasap boýunça 16-njy bolar.
Pekinde awtosalony geçirmek boýunça täze seneler atlandyryldy
- 07.04.2020 21:13
- 3.3k+
