2020-nji ýylda dünýä awtobazary 14% pese düşüp biler

Moody’s halkara reýting agentligi 2020-nji ýylyň fewralynda dünýä bazarynda ýeňil ulaglaryň ýyllyk satuw möçberiniň 2,5% pese düşjekdigini çaklapdy, indi bolsa bu görkeziji 14%-e ýetdi. Agentligiň çaklamasynda bellenilişi ýaly, awtoulaglara bolan isleg esasan Günbatar Ýewropada pese düşer, ol ýerde awtomobilleriň satuwy 21% azalar, bu barada tarantas.news habar berýär. Öň Moody’s satuw 4% pese düşer diýip çaklapdy. Agentlik satuwyň indiki ýyla çenli dikeljekdigini aýdýar. Çaklamada ulaglaryň satuwy pese düşenden soň, onuň yzysüre Ýewropa öndürijileriň girdejileriniň hem pese düşjekdigi bellenilýär.
Ýeňil awtomobilleriň satuwy ABŞ-nyň bazarynda 2020-nji ýylda 15% peseler. Öň bu görkeziji 1,2% bolar diýlip çaklanylýardy. Mundan başga-da, satuwlar Ýaponiýada hem aşak düşer, ýagny olar 8% azalar, bu bolsa öňki 0,4% diýlip çaklanyndan ep-esli üýtgeýär.
2020-nji ýylda Hytaýdaky satuwlar 10% pese düşüp biler, geçen gezek ol 2,9% bolar diýlip hasap edildi.
Ýatladyp geçsek, fewralda dünýä awtomobil bazarynyň 19,9% pese düşendigi bellige alyndy, ýagny satuwyň jemi göwrümi 5 077 000 sany ýeňil ulaglara we ýeňil söwda TC-lerine barabar boldy. Üstümizdäki ýylyň ilkinji iki aýynyň içinde, LMC Automotive kompaniýasynyň maglumatlary boýunça, dilerlere tutuş dünýäde 11 565 000 sany ulag satmak başartdy (2019-njy ýylyň degişli döwri bilen deňeşdirilende -14,8%).
Şol bir wagtda şu ýylda Germaniýada ykdysadyýet hem 5,4%, Italiýada – 4,5%, ABŞ-da – 4,3%, Beýik Britaniýada – 3,9% we Fransiýada – 3,5% pese düşer.