Ford bilen GM elektrokarlardan ýüz öwürýärler

Reuters agentliginiň habar bermegine görä, Detroýtdan iki awtoöndüriji, ýagny Ford bile GM elektrikleşdirilen ulaglaryň ösdürilmegini özleriniň strategik meýilnamalaryndan aýyrdylar. Bu kompaniýalar geljekde köp elektromobilleri çykarmaga söz berendiklerine garamazdan, özleriniň girdejili awtomobillerinden we pikaplaryndan ýüz öwürmegi meýilleşdirmeýärler. Umumy alanyňda Ford bilen GM her ýylda 5 mln-a çenli dürli krossowerleri we adaty ýoldan daşary ulaglary çykarmakçy bolýarlar, bu barada car.ru habar berýär.
Elektromobilleriň paýyna jemi 365 sany düşýär. Iki kompaniýanyň hem pikiriçe, 2026-njy ýyla çenli dünýä ekologik ulaglaryň köpçülikleýin ýaýradylmagyna taýýar bolup bilmez. Şu ýerde Tesla kompaniýasynyň geçen ýyl boýunça 325 müň elektrokar taýýarlandygyny belläp geçmeli. GM we Ford kompaniýalarynyň önümçilik meýilnamasyna laýyklykda, 6 ýyldan elektromobilleriň paýyna iki konserniň satuwynyň umumy möçberinden 5% düşer.
Käbir žurnalistler bu bildirişlere geň galýarlar, sebäbi ýaňy-ýakynda-da Ford bilen General Motors her ýylda 1 mln-a çenli ekologik ulaglary öndürmek bilen elektrik we gibrid awtomobillerini ösdürmek ugrundan gitjekdiklerini mälim etdiler.
Ford-yň ýolbaşçysy kompaniýanyň 2022-nji ýyla çenli 40 töweregi gibrid we doly elektrik ulaglaryny hödürlemäge taýýar boljakdygyny aýtdy, olar bu işe 11 mlrd dollar sarp ederler. Şol bir wagtda General Motors kompaniýasynyň müdiri Meri Barra hem konserniň 2023-nji ýyla çenli elektromobilleriň 20 sany täze modellerini görkezjekdigini habar berdi.