Ýatladyp geçsek, 2019-njy ýylda Mitsubishi ýapon markasy adaty ýoldan daşary niýetlenilen dördünji nesliň Pajero awtomobilini çykarmak işlerini bes edýändigini aýdypdy. Indi bolsa bäşinji nesliň Mitsubishi Pajerosynyň indiki ýyl peýda boljakdygy barada maglumat peýda boldy. Onuň premýerasy 2021-nji ýylda geçiriler, 2022-nji ýylda bolsa onuň satuwyna başlanylar diýip avtonovostidnya.ru saýty habar berýär.
Deslapky maglumatlara laýyklykda, “bäşinji” Mitsubishi Pajero ramadan mahrum ediler we Nissanyň tehnologiýalaryny ulanmak bilen döwrebap modul platformasynda gurnalar. Netijede ol ýedi orunlyk, doly ölçegli krossower bolar, ol göwrümi boýunça-da, bahasy boýunça-da “goňşy” Outlander krossowerinden öňe geçer.
Bu täze awtomobiliň häsiýetleri barada diňe çaklamak bolýar, ýöne NJCar.ru portalynyň habar bermegine görä, täze Pajeronyň motor gammasyna Outlander PHEV-iň 2,0 litrlik 128-güýçli içki ýanma hereketlendirijisini we yzky we öňdäki oklardaky degişlilikde 82 we 95 a.g kuwwatlykly iki sany elektromotoryny birikdirýän güýçli gurluş girer.
Pajeronyň prototipi Mitsubishi GC-PHEV konsept-kary görnüşinde 2013-nji ýylda Tokiodaky awtosalonda görkezildi. Şonda konsepsiýa 3,0 litrlik V6 turbo hereketlendirijisiniň binýadyndaky güýçli gibrid gurluşy bilen üpjün edildi. Gibridiň ahyrky kuwwaty 340 a.g barabar boldy.
Täze Mitsubishi Pajero 2021-nji ýylda peýda bolar
- 31.03.2020 05:54
- 6.2k+
