Eýranyň öz elektrokary peýda boldy

Eýranyň Iran Khodro awtomobil kompaniýasy özüniň taryhynda Runna Electric adyny alan ilkinji elektromobilini taýýarlady.
Runna Electric kärhanada seriýaly çykarylýan we Peugeot 206 fransuz sedanynyň özgerdilen görnüşini özünde jemleýän Runna sedanynyň esasynda gurnalan. Elektrokar kompaniýanyň hususy işläp taýýarlan güýçli gurluşyna eýe boldy, onuň tehniki häsiýetleri heniz mälim edilenok. Belli bolşy ýaly, sygymy 30 kWt/sag bolan tirkeg batareýi kuzowyň aşagynda ýerleşen we ol salonyň göwrümine hiç hili täsir etmeýär.
Geň ýeri, öň eýran kärhanalary hiç haçan hususy, hatda beýleki brendler bilen hyzmatdaşlykda hem elektrikleşdirilen ulaglaryny öndürmeýärdi.
Doly zarýadlanan ýagdaýynda Runna Electric 220 km-e çenli ýoly geçip bilýär. Enjamlaşdyrylan ýagdaýynda elektrik model benzinli içki ýanma hereketlendirijili Runna sedanyndan 100 kg agyrdyr.
Kompaniýa Runna Electric-iň seriýaly önümçiligini geljek iki ýylyň içinde ýola goýmagy meýilleşdirýär. Döwlet maliýeçileriniň pikiriçe, elektrik awtomobili innowasion senagatynyň esasy pudaklarynda Eýranyň täsirini ýuwaş-ýuwaşdan giňeltmeli, çünki ýurda sanksiýa girizilen, şonuň üçin alymlaryň bu ugurdan özleri baş alyp çykmaly.