Ford Ýewropada dilerleri ýapýar we onlaýna girişýär

Amerikan awtoöndürijisi Ford ulaglaryny Ýewropada onlaýn satmagyny dowam etdirjekdigini mälim etdi. Bu barada gorodovoy.spb.ru habar berýär. Şeýle kararyň esasynda Ýewropa sebitindäki diler wekilhanalarynyň bir bölegi ýapyldy. Bu kompaniýanyň çykdajy optimizasiýasy bilen bagly. “Rus gazeti” gazeti diňe Beýik Britaniýanyň düzüminde dört ýüzden 180 nokadyň ýapyljakdygyny ýazýar. Bu Ford kompaniýasyna öz modelleriniň ýaýradylmagyna gönükdirilýän çykdajylary ep-esli azaltmaga mümkinçilik berer, üstesine-de, häzirki ösüş strategiýasynyň çäklerinde Ford özüniň Ýewropada hereket etmesini düýpli azaltmaly, köp modellerden ýüz öwürmeli we ünsi SUV segmentine hem-de ol ýa-da beýleki elektrikleşdirilen awtomobillere gönükdirmeli. Netijede, kompaniýanyň satuwy ýokarlanyp, girdejisi artar.
Ýuwaş-ýuwaşdan elektromobiller Ford kompaniýasynyň Ýewropada esasy önümine öwrüler. 2021-nji ýylyň ahyryna çenli Ford-yň Ýewropadaky önüm lineýkasy 18 sany elektrikleşdirilen modeli öz içine alar (ýagny, elektromobilleri we gibridleriň dürli görnüşlerini).
“Bölek söwdanyň düzgünleriniň üýtgeýşi ýaly dünýä hem üýtgeýär” – Ýewropa ugrunyň ýolbaşçysy Stýuart Rouli belleýär.
Müşderilere awtomobili Internetden saýlamaklyk, harydy hem onlaýn kartoçka arkaly tölemeklik hödürleniler. Satuw funksiýasy aýrylan diler wekilhanalarynyň bir bölegi bolsa serwis hyzmatyna ýöriteleşdirilip başlanar. Ösüşiň barşynda esasy üns Transit “maşgalasyna” berler, çünki ol adamlara diňe bir rahatlyk üçin däl-de, eýsem, gazanç üçin gerek.