BMW kompaniýasy i8 modellerini çykarmagyny bes edýär

BMW kompaniýasy 2020-nji ýylyň aprel aýynyň ortalarynda önümçilikden i8 gibrid kupesini aýyrar.
Bu awtomobil 6 ýyl bäri çykarylýardy. Kompaniýa ähli güýjüni iX3, i4 we iNext ýaly innowasion elektrokarlaryň önümçiligine we işlenip taýýarlanmasyna gönükdirmek üçin BMW i8 gibridleriniň önümçilik toplumyny tamamlamak kararyna geldi. Bellenilip geçilen üç model Ženewada geçirilmedik maşyn sergisinde görkezilmelidi. Emma olaryň resmi tanyşdyrylyşy onlaýn-režimde geçdi. Geçen ýylyň dekabrynda BMW-niň Leýpsigdäki (Germaniýa) awtokärhana konweýerinden i8 modeliniň 20 müňe golaý nusgasy çykdy. Kompaniýada bu modeliň dünýäde iň köp satylýan gibrid sport awtosynyň bolandygy habar berilýär.
BMW i8 kupesi we rodsteri 321 at güýjündäki kuwwatlykly 1,5 litrlik 3 silindrli benzin motoryndan ybarat bolan güýçli gibrid gurluşy we 143 at güýjündäki netijeli elektrik gurluşy bilen üpjün edilýär. Elektrik tirkegindäki ätiýaçlyk ýoly 54 kilometre deň.
Kompaniýa ýaňy-ýakynda BMW i8 modeliniň bazardan aprel aýynda gitjekdigini habar berdi, ýöne brend gibridleriň soňky Ultimate Sophisto Edition limitirlenen toplumyny çykarmakçy bolýar. Bu seriýanyň çäklerinde nemes öndürijisi 200 ulag taýýarlar.