Tesla millionynjy elektromobilini çykardy

Tesla kompaniýasy ýubileý awtomobilini çykardy. Gyzyl reňkli Model Y millionynjy elektrokar boldy. Bu awtoöndürijiniň bir million elektromobil öndürmegi başaran ilkinji awtoöndüriji bolandygyny belläp geçmek gerek. Umuman aýdylanda, marka dürli pudaklarda yzygiderli rekord goýmagy başarýar. Kompaniýa 2003-nji ýylda esaslandyryldy we bäş ýyl geçenden soň Lotus Elise-iň binýadynda gurlan Roadster ilkinji modeliniň az seriýaly önümçiligi başlandy, ýöne ol tejribäniň görkezişi ýaly awtosöýüjileriň islegine laýyk gelmedi, şonuň üçin onuň satuwy hem örän az boldy. Ondan soň kompaniýa Model C-ikinji elektrokaryny hödürledi, şondan soň Tesla brendine gyzyklanma artdy.
Çykarylan Tesla Model X elektrik krossoweri, ondan soň hem ýokary derejede satylan Model 3 bu brenda üstünlik getirdi. Häzirki wagtda amerikan markasy dünýäde elektrokarlaryň iň gymmatly öndürijileriniň biri hasaplanylýar.
Häzir Tesla-nyň model lineýkasy Model S liftbeginden, Model 3 sedanyndan we Model X hem-de Y krossowerlerinden ybarat. Olar ABŞ-daky, Hytaýdaky we Niderlandiýadaky üç kärhanada öndürilýär.
Gigafactory 4 kärhanasy Berlinde täze halkara aeroportunyň ýanynda gurlar. Maksimal kuwwatlylyga ýetirilen wagtynda kärhana her ýylda ýarym milliona çenli awtomobil çykaryp biler. 2020-nji ýylda Tesla her ýylda 150 müň ulag çykarmak derejesine ýetmekçi bolýar. Tesla kompaniýasynyň indiki täze awtomobili prototipi 2019-njy ýylyň güýzünde görkezilen Cybertruck elektrik pikapy bolar. Resmi däl maglumatlara laýyklykda, Tesla awtomobil üçin ýarym milliondan gowrak deslapky sargytlary kabul etdi, bu awtomobiliň seriýaly çykarylyşy 2021-nji ýyldan ir başlamaz.