“Ýylyň bütindünýä awtomobili” bäsleşiginiň finalistleri atlandyryldy

Bu ýylda “World Car of the Year” bäsleşiginiň nominantlarynyň sanawyna şular girdi: Kia Telluride krossoweri, şeýle-de Mazda-nyň iki modeli, ýagny täze “üçlük” we CX-30. Gysga sanaw dünýäniň dürli ýurtlaryndan 86 sany awtomobil žurnalistleri tarapyndan kesgitlenildi. Ýeňijiler 8-nji aprelde Nýu-Ýorkda motor-şounyň açylyş dabarasynyň çäklerinde mälim ediler.
Mundan başga-da, beýleki kategoriýalardaky nominantlar hem belli edildi. Ýagny, iň gowy “Şäher awtomobili” ady ugrunda Kia Soul EV we Mini, şeýle-de Volkswagen T-Cross krossoweri göreşer. “Ajaýyp awtomobil” nominasiýasynda ýeňiji Mercedes-Benz EOQ, Porsche 911 we Porsche Taycan awtomobilleriniň arasyndan saýlanylar.
Şonuň bilen birlikde “Sport awtomobili” tituly ugrunda diňe Porche-911, Taycan we 718 Boxster GT4/Cayman GT4 markalarynyň wekilleri göreşerler. Ýeňiji belli diýen ýaly, baýraga Porsche mynasyp bolar. “Iň gowy dizaýn” titulynyň dalaşgärleri Peugeot 208, Mazda3 we Porsche Taycan awtomobillerinden ybarat. Ýatladyp geçsek, geçen ýylky “Ýylyň bütindünýä awtomobili” bäsleşiginiň absolýut ýeňijisi Jaguar I-Pace elektrik krossoweri boldy. Ondan öň Volvo XC60, mundan öň bolsa – Jaguar F-Pace we Mazda MX-5 awtomobilleri ýeňiji bolupdy.