“RG” saýty täze BMW i4 Gran Coupe konsepti barada gürrüň berdi. Bu täze önüm täze logotipe eýe bolan ilkinji awtomobil boldy. Modeliň seriýaly wersiýasy indiki ýyl peýda bolar.
BMW-niň logikasy sada we düşnükli, ýagny dünýä trendi bolan “birsydyrgyn” dizaýndan yza galmaly däl. Logotipiň formasy we umumy konsepsiýasy şol bir bolşunda saklandy: tegelekler öňküsi ýaly biri-biriniň içinde ýerleşdirilen, içki tegelek dört sany bölege bölünen, tegelekleriň arasynda bolsa brendiň ady ýerleşdirilen.
Ýöne tegelekleriň arasyndaky giňişlik gara reňkden mahrum edilen, galan elementler bolsa 3D-effektinde. Logotip ikiölçegli bolandygy sebäpli, ol ýelmenýän formada ýerine ýetirilmez.
Kompaniýada bellenilişine görä, täze nyşan sanly tehnologiýalaryň bazarynda ünsi jemleýän ýaş satyjylary özüne çekmeli, ýöne şol bir wagtda muşdaklaryň ynamyny ödemeli. Ýens Timeriň aýtmagyna görä, logotip açyklygy we aýdyňlygy aňladýar.
Ýatladyp geçsek, ilkinji BMW emblemasy 1917-nji ýylda bellige alyndy. Şondan soň ol 1933, 1953, 1963 we 1997-nji ýyllarda üýtgedildi.
Öň, Volkswagen kompaniýasynyň hem öz logotipini täzeländigini belläp geçmeli, ol hem ikiölçegli we kabul ediş nukdaýnazaryndan has sada boldy.
BMW markanyň täze logotipi bilen tanyşdyrdy
- 06.03.2020 23:06
- 7.8k+
