Lýuksemburg dünýäde tölegsiz jemgyýetçilik ulagly ilkinji ýurt boldy

Lýuksemburg ýaşaýjylary we onuň myhmanlary üçin jemgyýetçilik ulaglaryny tölegsiz eden ilkinji ýurt boldy. 2020-nji ýylyň 29-njy fewralyndan Lýuksemburgda awtobusda, tramwaýda we otlularda ýol gatnawlary mugt boldy. Bu barada iz.ru habar berýär. Ýurtda bu güni “taryhy” diýip atlandyrdylar, ony wokzallarda dürli konsertleri we beýleki medeni çäreleri gurnamak bilen belleýärler. Gatnaw üçin diňe şahsy şahadatnamany görkezmek ýeterlik.
Taslamanyň bahasynyň ýylda 41 million ýewro töweregi boljakdygy bellenilýär, şonuň esasynda tankytçylar “tölegsiz gatnaw” adynyň “hiç kimiň tölemejekdigini” aňlatmaýandygyny aýdýarlar.
Lýuksemburgyň hökümeti dykyn meselesini çözmek üçin şeýle karara geldi. Ýurtda 614 müň adam ýaşaýar, olardan 110 müňüsi paýtagtda. Ýöne ýüzlerçe müň adam goňşy döwletlerden – Belgiýadan, Fransiýadan we Germaniýadan Lýuksemburg şäherine işlemäge gelýärler. Netijede ýollarda hereket saklanýar. Gatnaw üçin tölegiň ýatyrylmagy ýurduň içindäki öý hojalyklaryň 41%-ine täsir eder.
Hökümet salgyt toplamanyň hasabyna ýitirilen serişdeleriň öwezini dolmagy göz öňünde tutýar. Lýuksemburg hemmeler üçin ýol gatnawyny dolulygyna tölegsiz eden ilkinji ýurt boldy. Belläp geçsek, Tallinde tölegsiz gatnaw eýýäm ýedi ýyl bäri hereket edýär, ýöne diňe ýerli ýaşaýjylar üçin; fransuz Dýunkerkinde hem şeýle çäklendirme bar.
Ulagda tölegsiz gatnamak Lýuksemburgyň hökümetiniň pikiriçe, jemgyýetçilik ulagynyň has özüne çekiji bolmagyna we ýol dyknyşygy meselesini çözmäge kömek eder.