Sürüjisiz ulaglaryň derňewiniň 2019-njy ýyl boýunça netijeleri

Analitik maglumatlara laýyklykda, 2019-njy ýylda awtopilotly ulaglar Kaliforniýanyň ýollary boýunça 4,6 milliondan gowrak kilometr geçdiler.
Test synaglary wagtynda zerurlyk ýüze çykan ýagdaýynda dolandyryşy öz eline alar ýaly sürüji awtomobiliň salonynda ýerleşdi. Derňewler bir ýylyň içinde şeýle zerurlygyň 16 esse peselendigini görkezýär.
Belläp geçsek, sürüjisiz awtomobilleri işläp düzüjiler alnan netijelerden nägile bolýarlar, çünki olaryň pikiriçe, olar awtonom dolandyryş we awtopilotlylar bilen ulaglary deňeşdirme progresini doly derejede bahalandyrmaga mümkinçilik bermeýärler.
Geçen ýyl Kaliforniýanyň ýollarynda 28 sany dürli kompaniýa tarapyndan işlenilip taýýarlanylan 552 sany sürüjisiz awtomobiller synagdan geçirildi. 2018-nji ýylyň degişli döwri bilen deňeşdirilende synagdan geçirilýän sürüjisiz ulaglaryň sany 11% ýokarlandy, olaryň umumy ýoly bolsa 41% artdy.
2020-nji ýylda analitiklere bu ulag serişdeleriniň synagdan geçirilmesini dowam etdirmek gerek. Mundan başga-da, tutuş ýylyň dowamynda sürüjisiz ulaglary çykarmak bilen meşgullanýan kärhanalaryň geljekki işleri üçin beýleki möhüm görkezijiler hem derňewden geçiriler.