Anglo American britan kompaniýasynyň hünärmenleri dünýäde iň uly wodorod awtomobilini döretmegi meýilleşdirýärler.
MediaPotok informasion agentliginiň habar bermegine görä, karýer ýük ulagynyň agramy 290 tonna barabar bolar. Ekspertler rewolýusion modellerde Williams Advanced Engineering kompaniýasynyň önümi bolan, 1000 kilowatt-sagatdan ýokary sygymly litiý-ion akkumulýatorlarynyň boljakdygyny aýtdylar.
Olaryň kömegi bilen ähli bort elektronikasy we wodorod ýangyç elementli uly göwrümli güýçli gurluş hereket eder.
Eýýäm şu ýylyň dowamynda GAR-yň magdan kärhanalarynyň birinde bu täze önümi ilkinji doly derejeli synagdan geçirmek meýilleşdirilýär. Bu ýük ulagynyň “seriýaly” önümçilige goýberiljekdigi barada häzirki wagtda maglumat ýok.
Kompaniýanyň maglumatlaryna laýyklykda, döwrebap tehnologiýalaryň esasynda magdan kärhanalarynda kömürturşy gazynyň zyňyndylary 10 ýylyň içinde 30% peseldi. Ýük ulaglarynyň ekologik çözgüdi dag-magdan senagaty bilen meşgullanýan kompaniýalara ýerasty şahtalarda gymmat wentilýasion ulgamlaryny döretmekde serişdeleri az sarp etmäge mümkinçilik berer.
Ýeri gelende aýtsak, häzirki wagtda wodorod ýangyjynda hereket edýän iň uly awto 111 tonna agramly eDumper ýük ulagy bolup durýar.
Anglo American kompaniýasy dünýäde iň uly wodorod awtomobilini döreder
- 27.02.2020 22:43
- 6.2k+
