Dünýä awtobazary ýanwar aýynda 10% pese düşdi

Dünýä bazary ýanwar aýynda 10,4%ýa-da 6 mln 484 müň ýeňil we ýeňil söwda awtomobillerine çenli pese düşdi. Geçen aýyň netijelerinden hasaplamanyň esasynda satuwyň ýyllyk derejesi 87 mln 804 müň ulaga barabar boldy, muny “АВТОСТАТ” agentligi tarapyndan LMC Automotive kompaniýasynda alnan maglumatlar görkezýär. 
Awtomobilleriň satuwy boýunça dünýä liderligini Hytaý saklaýar, ol ýerde ýanwar aýy boýunça 1 mln 877 müň ulag satyldy (-20,7%). Geçen aýyň pes derejesi, esasan, 2019-njy ýylyň fewral aýynda Aý kalendary boýunça bellenilen Täze ýyl bilen bagly şertlendirilýär. Göwrümi boýunça ikinji dünýä awtobazary 1 mln 126 müň ulag görkezijisi bilen Amerikadyr, bu görkeziji geçen ýylyň şeýle döwründäki görkezijiden 0,4% pes.
Günbatar Ýewropa ýurtlarynyň awtomobil bazarlary ýanwar aýy boýunça 7,4% pese düşdi, netijede ol 1 mln 165 müň ulaga barabar boldy. Gündogar Ýewropa ýurtlarynda awtomobilleriň satuwy, tersine, 5,8%, ýagny 1 mln 165 müň ulaga çenli artdy. 
Günorta Amerikada ýerli dilerler 227 müň awtomobili satdylar, bu bolsa geçen ýylyň ýanwar aýyndan 9% az. Iri göwrümli dünýä awtobazarlarynyň arasynda Ýaponiýany (355,5 müň sany, -12%), Koreýany (114,3 müň sany, -14,5%) we Kanadany (109,6 müň sany, +1,4%) hem belläp geçmek bolýar.