18-nji fewral gijesi Londonda 02 Arena stadionynda “Brit Awards 2020” saz baýragynyň gowşurylyş dabarasy geçirildi. Bu barada baýragyň resmi twitterine salgylanmak bilen Afisha Daily habar berýär.
Reper Stormzy we aýdymçy Meýbl iň gowy britan artistleri boldy. “Iň gowy britan solo aýdymçysy” nominasiýasynda Stormzy “Brit Awards” saz baýragyny ikinji gezek aldy. Meýbl 2019-njy ýylyň awgustynda özüniň ilkinji “High Expectations” albomyny çykardy. Tyler, The Creator we Billi Aýliş hem “Iň gowy halkara artisti” nominasiýasynda ýeňdiler. 18 ýaşly Billi Aýliş iň gowy daşary ýurt aýdymçysy boldy.
“Foals” toparyny iň gowy britan topary diýip ykrar etdiler, aýdymçy Lýuisa Kapaldi iň gowy täze artist boldy. Onuň “Someone You Loved” aýdymy ýylyň aýdymy boldy. Ikinji baýrak oňa iň gowy çykyşy üçin berildi. Ýaş aýdymçy jemi dört sany kategoriýada nominirlendi. Ýylyň albomy – reper Deýwanyň “Psychodrama” albomy.
2019-njy ýylda “A Brief Inquiry into Online Relationships” albomy üçin baýrak alan “The 1975” iň gowy britan pop-topary bolupdy.
“Brit Awards” ses ýazyjy industriýanyň Britan assosiasiýasy tarapyndan 1977-nji ýylda esaslandyryldy. Ol “Gremmi” amerikan baýragynyň britan ekwiwalenti hasaplanylýar.
Londonda “Brit Awards 2020” saz baýragy geçirildi
- 19.02.2020 21:46
- 2k+
