Täzelenen Mazda CX-4 Hytaýda satuwy boýunça rekord goýýar

Täzelenen Mazda CX-4 kross-kupesiniň satuwy 2019-njy ýylyň noýabrynda başlandy. Güýzüň soňky aýy boýunça dilerlere şeýle awtolaryň 5 müňüsini taýýar etmek başartdy, dekabrda müşderilere täze awtonyň 5 694 ekzemplýary satyldy, 2020-nji ýylyň ýanwarynda 7 539 sanysy satylmak bilen rekord goýuldy. NJCAR.RU portalynyň maglumatlary boýunça, kupe görnüşli Mazda CX-4 geçen ýyl boýunça klassyky Mazda CX-5-den tas iki esse öňe geçip, markanyň iň meşhur awtosy boldy, umumy hasapda bu awto ozalky öňdebaryjylar bolan Hyundai Tucson we Skoda Kodiaq awtolaryndan öňe geçmek başartdy.
Ýatladyp geçsek, Mazda CX-4 kupe-krossoweri gaýtadan işlenilen bampere, yşyk diodyndaky üýtgedilen baş optikasyna eýe boldy.
“Oturylýan ýerleriň, öňki paneliň we gapy kartlarynyň bezegi üçin indi has ýokary hilli materiallar peýdalanylýar, salonda uly sensor ekranly informasion-güýmenje sistemasy we klimatik sistemany dolandyrmak üçin kämilleşdirilen blok oturdyldy” – diýip, “Новые автомобили” neşiri habar berýär.
Kross-kupeniň motor gammasy üýtgedilmedi. Mazda CX-4 kapotynyň aşagynda kuwwatlylygy 158 a.g bolan 2,0 litrli we 192 a.g kuwwatlykly 2,5 litrli Skyactiv-G güýçli enjamlary oturdylýar. Herekete getirijiler 6-basgançakly mehaniki ýa-da awtomatik transmissiýasy bilen utgaşýar. Herekete getiriji ýa öňdäki, ýa-da doly.
Bu awto töwerekleýin görnüş kamerasyny, saklanmadan soň awtomatik herekete getiriji funksiýaly adaptiw kruiz-gözegçiligini we awtomatik ýagdaýda gyssagly tormoz bermäniň gutarnykly işlenen sistemasyny öz içine alýan baý üpjünçiligi bilen tapawutlanýar.
Häzirlikçe kupe görnüşli krossower diňe hytaý bazarynda elýeterli.