Medeni mirasymyz bolan halylarymyzyň möhümdigini we gymmatlygyny göz öňünde tutup, ýurdumyzda halyçylygy mundan beýläk-de ösdürmek üçin, «Türkmenhaly» döwlet birleşigi döredildi.
Bu ugurdan baý tejribesini nazara alyp, Döwlet birleşiginiň ýolbaşçysy wezipesine O.Işangulyýew bellenildi.
Şeýle hem öz önümlerimizi eksport etmek işini gowulandyrmak maksady bilen, Dokma senagaty ministrligi we «Türkmenhaly» döwlet birleşigi Ministrler Kabinetiniň Başlygynyň orunbasary Ç.Gylyjowyň gözegçilik edýän toplumyna berildi.
Degişli resminamalara Türkmenistanyň Prezidenti hökümet mejlisiniň barşynda gol çekdi.
«Türkmenhaly» döwlet birleşigine Maliýe we ykdysadyýet ministrligi hem-de Adalat ministrligi bilen bilelikde «Türkmenhaly» döwlet birleşigi hakyndaky Düzgünnamanyň, onuň merkezi edarasynyň gurluşynyň taslamalaryny hem-de işgär sanawyny taýýarlamak hem-de Ministrler Kabinetine bermek tabşyryldy.
Dokma senagaty ministrligi we «Türkmenhaly» döwlet birleşigi Adalat ministrligi bilen bilelikde şu Karardan gelip çykýan üýtgetmeleri we goşmaçalary Türkmenistanyň kanunçylygyna girizmek baradaky teklipleri taýýarlamaga hem-de Ministrler Kabinetine bermäge borçly edildi.
«Türkmenhaly» önümçilik birleşigi döwlet birleşigi diýlip üýtgedildi
- 07.02.2020 23:05
- 1.9k+
