Senagat we kommunikasiýa ministrliginiň «Türkmenawtoulaglary» agentliginiň degişli kärhanalary Balkan welaýatynyň Balkanabat şäherinde, Daşoguz welaýatynyň Daşoguz şäherinde, Lebap welaýatynyň Türkmenabat şäherinde we Mary welaýatynyň Mary şäherinde ýolagçy awtomenzilleriniň taslamalaryny düzmek hem-de olary ýanaşyk ýerleri abadanlaşdyryp gurmak barada «Muhammet — Balkan» hojalyk jemgyýeti bilen şertnamalary baglaşar.
Muňa ygtyýar berýän degişli resminama Türkmenistanyň Prezidenti Gurbanguly Berdimuhamedow gol çekdi.
Gurluşyk işlerine 2020-nji ýylyň fewral aýynda başlamak we ýolagçy awtomenzillerini 2022-nji ýylyň fewral aýynda ulanmaga doly taýýar edip tabşyrmak bellenildi.
Gurluşygy amala aşyryljak ýolagçy awtomenzilleri häzirki zaman aragatnaşyk ulgamy, täzeçil tehnologiýalar we sanly ulgam bilen enjamlaşdyrylar. Bu bolsa, awtomenzillerde alnyp barylýan işleriň ýokary hil derejesiniň üpjün edilmegini, ulaglaryň gatnawynyň sazlaşygyny üpjün eder.
«Muhammet — Balkan» HJ dört welaýatda ýolagçy awtomenzillerini gurar
- 06.02.2020 21:53
- 6.6k+
