Lukman fitnes-bilezikleriň we «akylly» sagatlaryň peýdasy barada aýtdy

Lukman-kardiolog fitnes-bilezikler baradaky giňden ýaýran toslamalaryň delilsizdigini gürrüň berdi.
Olaryň birinjisi – akylly sagatlaryň öz eýesini yzarlaýandygy baradakydyr. Elbetde, olar ýerleşýän ýeriň barada maglumatlary berip bilýärler, ýöne bu funksiýany gurluşda aňsatlyk bilen öçürmek bolýar – diýip, kardiolog belleýär.
Bilermeniň pikiriçe, ulanyjylaryň esasy gorkýan zady – bu gajetiň şöhle goýbermegi. Gajetler bazarda ýaňy-ýakynda ýüze çykdy, şonuň üçin köp adamlar olaryň täsiri heniz gutarnykly öwrenilmedik diýip hasaplaýarlar.
— Döwrebap gajetleriň ummasyz şöhle goýberme häsiýetiniň bardygy baradaky birnäçe toslamalar hereket edýär. Smart-sagatlaryň, trekerleriň we dürli gajetleriň zyýanlydygyny subut edýän barlag ýok. Şöhle goýberýändigi baradaky gürrüňler hem toslama.
Biziň saglygymyza gözegçilik edýän bu ykjam gurluşlaryň peýdasy bolsa aýdyň görnüp dur - diýip, kardiolog belleýär.
«Barlaglar geçirilýär we biz ýakyn wagtda lukmançylyk üçin ýüregiň ritmini, arterial basyşy, ganyň düzüminde şekeriň derejesini ölçemek, şeýle-de ukynyň fazasyny ölçemek meýilnamasynda fitnes-bileziklerden gelýän peýdany göreris. Geýmifikasiýa funksiýasyny eýýämden peýdaly hasap etmek bolýar. Saglyk barada aladanyň «geýmifikasiýalaşdyrylmagy» adama bellenilen on müň ädimi gyzyklanma bilen geçmäge we iýmit rasionyna gözegçilik etmäge mümkinçilik berýär» – diýip, hünärmen belleýär.