«Merkezi Aziýa — Hytaý» gaz geçirijisiniň Täjigistanyň çäginden geçýän «D» şahasynyň gurluşygy eýýäm 2020-nji ýylda ulanyşa giriziler, diýip ORIENT habar berýär.
Uzynlygy 996 km barabar bolan gaz geçiriji Türkmenistandan Hytaýa çenli bolar. Onuň täjik böleginiň uzynlygy 400 km-den gowrak. Ýeriň daglyk relýefini nazara alyp, gaz geçirijiniň bu bölegi iň çylşyrymlysy hasaplanylýar. Onuň üçin 9,5 müň gektar ýer bölünip berildi.
Häzirki wagtda bu gaz geçirijiniň Türkmenistan – Özbegistan – Gazagystan – Hytaý ugry boýunça geçýän üç şahasy — «A», «B» we «Ç» şahalary hereket edýär.
Täjigistanyň üsti bilen gaz geçirijini çekmek boýunça hökümetara ylalaşyga 2013-nji ýylda gol çekildi, 10 aý soňra bolsa, CNPC hytaý kompaniýasy bilen «Tajiktransgaz» AGPJ-niň arasynda Trans-Tajik Gas Pipeline Company Ltd. gazgeçirijisini gurmak we ulanmak boýunça bilelikdäki kärhanany döretmek hakynda ylalaşyk baglaşyldy.
Gaz geçirijiniň bu böleginiň gurluşygy 2014-nji ýylyň sentýabrynda başlandy. Gurluşyk işleri doly tamamlanandan soň, Türkmenistandan Hytaýa her ýylda 65 mlrd kub metrden gowrak tebigy gaz iberilmegine garaşylýar.
«Merkezi Aziýa – Hytaý» gaz geçirijisiniň dördünji şahasynyň gurluşygy tamamlanyp barýar
- 31.01.2020 07:22
- 4.9k+
