Türkmenistanyň Senagat we kommunikasiýa ministrliginiň «Türkmendemirýollary» agentligi şu ýylyň 1-nji fewralyndan başlap, VIP görnüşli ýokary derejeli hyzmatlary hödürleýän gatnawlary ýola goýýar. Bu barada «Türkmendemirýollary» habar berýär.
VIP wagonda ýolagçylara agşamlyk nahary, alkogolsyz içgiler, isleglere görä çaý we kofe hyzmatlary berilýär.
Wagonyň kupeleri dört adama niýetlenip, ýolagçylar syýahatyň dowamynda ulanmak üçin bir gezeklik süpürgiçler, şypbyklar, ýapynjalar we beýleki zerurlyklar bilen üpjün edilýär.
VIP wagonlaryň biletleri türkmen demir ýollarynyň resmi saýtynda we demirýol bilet kassalarynda satyşa goýberildi.
Täze ýokary derejeli wagonlar ýurduň ähli welaýatlaryna ugraýan gatnawlara goşulýar.
Täze hyzmat boýunça ýüze çykan soraglaryňyzy gije-gündiziň dowamynda sorag-jogap gullugyndan alyp bilersiňiz.
Telefon belgiler: +993 (12) 383273 | 75 | 76 | 79
«Türkmendemirýollary» ýolagçylara VIP wagon hyzmatlaryny hödürleýär
- 29.01.2020 23:57
- 13k+
