Geçen ýylda Türkmenistan goňşy Owganystana ECO-93 sintetik benzininiň 36,7 müň tonnadan gowragyny iberdi. Türkmen tebigy gazyndan öndürilen ekologik taýdan arassa ýangyç geçen ýylyň iýunynda Ahal welaýatynda işe girizilen täze zawodda öndürilýär. Bu barada «Golos SNG» onlaýn-radiosy habar berýär.
Zawodyň direktorynyň orunbasary Kadyr Ataýewiň belleýşi ýaly: «Euro-5 ekologiýa standartlaryna laýyk gelýän ECO-93 benzini eksport isleginden peýdalanýar».
Belläp geçsek, işe girizilen döwründen bäri geçen ýarym ýylda gazhimiýa toplumy 63,1 müň tonna sintetik benzini eksporta iberdi. Eksport möçberiniň 60%-ni owgan sarp edijileri satyn aldylar. ECO-93 benzininiň 7 müň tonnasy Ýewropa ýurtlaryna iberildi.
Owganystan şeýle hem Ahal welaýatyndaky gazhimiýa toplumynda öndürilen 10,3 müň tonnadan gowrak suwuklandyrylan gaz we 370 tonna kükürtsizlendirilen dizel fraksiýasyny import etdi.
Belläp geçsek, zawod 2019-njy ýylda içerki bazara 7,6 müň tonna ECO-93 benzinini we 2,5 müň tonna kükürtsizlendirilen dizel ýangyjyny iberdi.
Türkmenistan 2019-njy ýylda Owganystana ECO-93 benzininiň 36,7 müň tonnasyny iberdi
- 28.01.2020 20:22
- 4.3k+
