Beýik Britaniýanyň Türkmenistandaky ilçihanasy saýtyndaky sahypasynda şu ýyl Aşgabatda geçiriljek IELTS testirlemesiniň geçiriljek senesi hakyndaky maglumatyny habar berdi. Bu barada Turkmenportal habar berýär.
Habar berlişi ýaly, Iňlis dilini testirlemegiň halkara ulgamy Aşgabatda 2020-nji ýylyň 14-nji martynda «Ak Altyn» myhmanhanasynda geçiriler. Testirlemä gatnaşmak üçin töleg 200 iňlis funtuna deňdir. Testirlemä gatnaşmak üçin hasaba alynmak we töleg etmek onlaýn amala aşyrylýar.
Has doly maglumaty şu salgydan alyp bilersiňiz.
IELTS — International English Language Testing System — daşary ýurtly raýatlaryň iňlis dilini bilşini barlamagyň iň meşhur ulgamlarynyň biri. IELTS-yň netijeleri iş wizalaryny, ýaşamak üçin hukugy we raýatlygy almak üçin talap edilip bilinýär. Mundan başga-da, Beýik Britaniýanyň ýokary okuw mekdeplerine bakalawrlyga girmek üçin dalaşgärler hut şu testiň geçilendigi baradaky netijeleri görkezmeli.
IELTS testirlemesiniň Aşgabatda geçiriljek senesi mälim edildi
- 26.01.2020 21:58
- 5.5k+
