Türkmen ýaşlary üçin Russiýada okuw maksatnamasy hödürlenilýär

Russiýa Federasiýasynyň federal býujetiniň hasabyna Türkmenistanyň raýatlary, raýatlygy bolmadyk adamlar hem-de Türkmenistanda ýaşaýan russiýalylar üçin 2020/2021-nji okuw ýylyna orta hünär, ýokary we goşmaça hünär bilim maksatnamasyna gatnaşmak üçin dalaşgärleri kabul edilýär. Bu barada Turkmenportal habar berýär.
Daşary ýurt raýatlary we raýatlygy bolmadyk adamlar, şol sanda daşary ýurtlarda ýaşap, Russiýa Federasiýasynda RF-iň Hökümetiniň kesgitlän kwotasy boýunça federal býujetiň hasabyna bilim almak isleýän russiýalylar dalaşgärlik synaglaryna gatnaşmak üçin resminamalary ýygnamagyň EDU.RS.GOV.RU maglumat ulgamyna öz resminamalaryny ibermeli.
Bäsleşik saýlawyny geçmezinden öň, dalaşgärler https://future-in-russia.com/ portalynda hasaba alynmaly. Bu saýtda registrasiýa bolmadyk şahslar bäsleşige gatnaşyp bilmez. Hasaba alynmagyň möhletleri we test barlagynyň geçiriljek ýeri baradaky maglumat RF-iň Türkmenistandaky ilçihanasynyň saýtynda goşmaça ýerleşdiriler.
Test barlagyna gatnaşmak üçin çakylyklar her dalaşgäriň elektron salgysyna iberiler.
Goşmaça maglumaty şu salgydan alyp bilersiňiz.