2019-njy ýylda Merkezi Aziýa – Hytaý magistral gaz geçirijisi boýunça HHR-e 47,9 mlrd kub metrden gowrak tebigy gaz eksport edildi. Bu barada Sinhua agentligi PetroChina West Pipeline Company kompaniýasynyň maglumatlaryna salgylanyp habar berýär.
Umumy uzynlygy 1833 km we ýyllyk geçirijiligi 55 mlrd kub metr bolan transmilli gaz geçiriji kadaly hem howpsuz ýagdaýda hereket edýär.
2019-njy ýylyň 31-nji dekabryna çenli ýagdaýa görä, gaz geçirijiniň üç şahasy boýunça Hytaýa 294,6 mlrd kub metr «mawy ýangyç» iberildi. Ol 27 sany welaýatyň, şäherleriň we awtonom etraplaryň, şeýle hem Sýangan ýörite dolandyryş etrabynyň ýarym milliardlyk ilatyny gaz bilen üpjün etdi. Bu möçberiň 80 göterimden gowragyny Türkmenistan üpjün etdi.
Energetika barlaglar boýunça Oksward institutynyň dekabrdaky hasabatyna görä, hytaý energiýa toplumynyň gözegçileriniň pikirine laýyklykda, HHR-de gaza bolan isleg geljek on ýyllyklarda has hem artar.
Merkezi Aziýa – Hytaý gaz geçirijisinden geçen ýylda 47 mlrd kub metrden gowrak gaz iberildi
- 16.01.2020 23:22
- 2.5k+
