Türkmenistanyň Prezidentiniň gol çeken Kararyna laýyklykda, Türkmenistanyň Döwlet daşary ykdysady iş bankyna Türkmenistanyň Hökümetiniň — Karz alyjynyň adyndan Türkmenistan —Owganystan — Pakistan — Hindistan gaz geçirijisiniň taslamasyny maliýeleşdirmek üçin Saud ösüş gaznasy bilen degişli Maliýeleşdiriliş ylalaşygyny baglaşmaga we onuň güýje girmegi bilen bagly işleri amala aşyrmaga ygtyýar berildi.
Resminamada bellenilişi ýaly, bu Karara Berkarar döwletimiziň bagtyýarlyk döwründe «Türkmenistanyň nebitgaz senagatyny ösdürmegiň 2030-njy ýyla çenli döwür üçin Maksatnamasyny» üstünlikli durmuşa geçirmek, Türkmenistan — Owganystan — Pakistan —Hindistan gaz geçirijisiniň taslamasyna maýa goýumlary çekmek maksady bilen gol çekildi.
Umumy uzynlygy 1,814 kilometrlik TOPH gazgeçirijisi Türkmenistanyň (214 kilometr) “Galkynyş” gaz käninden çykýan tebigy gazy Owganystanyň (774 kilometr) üsti bilen Pakistana (826 kilometr), ol ýerden bolsa Hindistana iberer. Gazgeçirijiniň göwrümi ýyllyk 33 milliard kub metrlik tebigy gaza barabar bolar.
TOPH taslamasyny maliýeleşdirmek boýunça ylalaşyk baglaşmaga ygtyýar berildi
- 09.01.2020 23:00
- 3.8k+
