6-njy ýanwarda Prezident Gurbanguly Berdimuhamedowyň sanly wideoaragatnaşyk arkaly geçiren iş maslahatynda paýtagtymyzda hem-de sebitlerde alnyp barylýan işleriň barşyna garalyp, ýerine ýetirilmeli ilkinji nobatdaky wezipeler kesgitlenildi, şeýle hem käbir guramaçylyk meselelerine seredildi.
Aşgabat şäheriniň hem-de welaýatlaryň häkimleri ýerlerde alnyp barylýan işler barada hasabat berip, ilatyň durmuş derejesini has-da ýokarlandyrmak boýunça görülýän çäreler hem-de ekiş möwsümini üstünlikli geçirmäge gönükdirilen çäreler barada habar berdiler.
Döwlet Baştutany hasabatlary diňläp, 2019-njy ýylda welaýatda alnyp barlan işleriň netijesinde üstünlikleriň gazanylandygyna garamazdan, käbir kemçiliklere hem ýol berlendigine ünsi çekmek bilen, birnäçe guramaçylyk meselelerine garamak baradaky karara gelendigini aýtdy.
Gurbanguly Berdimuhamedow sözüni dowam edip, oba hojalyk işleriniň netijeliligini ýokarlandyrmak, ýer-suw serişdelerini netijeli peýdalanmak, ekerançylygy ösdürmäge öňdebaryjy ylmy usullary ornaşdyrmak, bu ugurda öňde goýlan wezipeleri üstünlikli ýerine ýetirmek boýunça häkime birnäçe tabşyryklary berdi.
Türkmenistanyň Prezidenti sanly wideoaragatnaşyk arkaly iş maslahatyny geçirdi
- 06.01.2020 23:34
- 1.8k+
