Mary şäheriniň halkara howa menziliniň resmi saýty işe girizildi

Mary şäheriniň halkara howa menziliniň resmi saýty — www.maryairport.gov.tm işe girizildi. Saýtyň sahypalarynda Mary welaýatynyň administratiw-dolandyryş merkeziniň howa duralgasynda ýolagçylar, olary ugradýanlar we garşy alýanlar hakynda möhüm maglumatlar ýerleşdirilýär. Bu bolsa syýahatlary öňünden meýilleşdirmäge ýardam eder. Bu barada Turkmenportal habar berýär.
Hususan-da, internet saýtda onlaýn tablo, uçuşlaryň tertibi, howa maglumaty, telefon belgileri, aeroport we awiakompaniýanyň hyzmatdaşlary üçin maglumatlar ýerleşdirilýär. Saýt türkmen, rus we iňlis dillerinde elýeterlidir.
Mary şäheriniň umumy meýdany 3,5 müň inedörül metre barabar bolan 2 gatly döwrebap binasy 2009-njy ýylyň martynda dabaraly ýagdaýda açyldy. Sagatda 300 ýolagça hyzmat etmäge ukyply terminal iň döwrebap enjamlar, elektron maglumat tablosy we eskalatorlar bilen üpjün edilipdir. Şeýle hem uzynlygy 3,5 müň inedördül metre deň bolan uçuş-gonuş zolagy guruldy. Aeroport 400 tonna çenli ýük göterijilikli howa gämilerini kabul etmäge ukyply.
Marydan Aşgabada, Türkmenbaşa we Daşoguza yzygiderli içerki uçuşlar amala aşyrylýar.