Lebap welaýatynyň Çärjew etrabynyň çäklerinde awtomobillere ýangyç guýujy täze beket işe girizildi. Türkmenistanyň nebitgaz toplumynyň saýtynyň habar berşi ýaly, Aşgabat – Farap ýolunyň golaýynda gurlan bu AÝGB köpugurly, ýokary tehnologiýaly hyzmat toplumy bolup, ony döretmäge iň häzirki zaman tehnologiýalary ulanylypdyr.
Häzirki zaman ýangyç paýlaýjy kolonkalar bilen enjamlaşdyrylan bu beket bir günde 750 awtomobile hyzmat etmäge ukyplydyr. Halkara ýolunda ýerleşen täze AÝGB diňe bir awtoulaglary ýangyç bilen üpjün etmek meselesini çözmek bilen çäklenmän, eýsem, sarp edijilerine serwis hyzmatlarynyň hem giň toplumyny hödürleýär.
Awtomobillere ýangyç guýujy bekediň gurluşygy «Türkmennebitönümleri» Baş müdirliginiň Lebap welaýat hojalyk hasaplaşygyndaky gurluşyk-gurnama müdirliginiň hünärmenleri tarapyndan amala aşyryldy.
Belläp geçsek, soňky döwürde Lebap welaýatynyň çäginde awtoulaglara ýokary hilli hyzmatlary hödürleýän ýangyç guýujy beketleriň sany barha artýar.
Lebap welaýatynda Aşgabat — Farap ýolunda täze AÝGB işe girizildi
- 05.01.2020 14:12
- 6.7k+
