Russiýa GDA döwletleri üçin Beýik Watançylyk urşunda gazanylan ýeňşiň 75 ýyllygy mynasybetli ýubileý medallaryny taýýarlar. Bu medallar urşa gatnaşyjylara, tyl zähmetkeşlerine, konslagerleriň ýesirlerine — adamzat üçin möhüm bolan bu ýeňşe goşant goşan ähli adamlara gowşurylar. Bu barada ORIENT habar berýär.
Garaşsyz Döwletleriň Arkalaşygyna gatnaşyjy döwletleriň degişli edaralary sylaglanýanlaryň sany baradaky maglumatlary 2020-nji ýylyň 1-nji fewralyna çenli Russiýa Federasiýasynyň daşary syýasat edarasyna gowşurmaly. Medallar diplomatik ýollar arkaly 1-nji martdan gijä galman gowşurylar.
Beýik Watançylyk urşunda gazanylan Ýeňşiň 75 ýyllygy mynasybetli baýragy W.Putin baryp tomusda esaslandyrypdy. Kümüşsöw reňkli metaldan taýýarlanyljak medalyň ýüz tarapynda reýhstagyň diwarynda «Ýeňiş!» diýen sözi ýazyp duran ýeňiş gazanan esgeriň suraty ýerleşdiriler.
GDA döwletleri Ikinji jahan urşunda gazanylan Ýeňşiň 75 ýyllygy mynasybetli Bilelikdäki beýannamany kabul etdiler. Bu resminama dünýä döwletlerini halas ediji-gahrymanlaryň ýadygärligini hormatlamaga we mynasyp saklap galmaga çagyrýar.
Russiýa Ýeňiş güni mynasybetli GDA döwletleri üçin ýubileý medallaryny taýýarlar
- 04.01.2020 22:48
- 2.5k+
