Dünýä boýunça çagalaryň dogluşy boýunça ÝUNISEF-iň statistikasy

ÝUNISEF-iň çaklamalaryna laýyklykda, 2020-nji ýylyň 1-nji ýanwarynda dünýäde 392 müň 78 çaga dogulmalydy. Bu umumy sanyň içinde Türkmenistanyň paýyna — 361 çaga düşýär, diýip ORIENT habar berýär.
ÝUNISEF-iň baha bermegine görä, dünýä boýunça dogrumlaryň ýarysyndan gowragy sekiz döwlet bolýar: Hindistan (67,385), Hytaý (46,299), Nigeriýa (26,039), Pakistan (16,787), Indoneziýa (13,020), ABŞ (10,452), Kongo Demokratik Respublikasy (10,247), Efiopiýa (8,493).
BMG-niň Çagalar gaznasy «Her bir çaga ömür» («Every Child Alive») atly ählumumy maksatnama badalga berdi. Bu maksatnama döwletleri we dünýä liderlerini 2020-nji ýylda göwrelilik we dogrum döwründe dürli hili kynçylyklaryň öňüni almak we bejermek üçin saglygy goraýyş ulgamynyň ýokary hünär taýýarlykly hünärmenlerini taýýarlamaga, şeýle hem enä we täze doglan çaga ideg etmekde zerur bolan derman serişdeleri bilen üpjün etmeklige maýa goýmaklyga çagyrýar.
— Eger-de millionlarça çaganyň ygtybarly ellerde dünýä inse, biz olaryň mundan beýläk hem sagdyn boljakdygyna kepil geçip bileris – diýip ÝUNISEF-iň ýerine ýetiriji direktory Genrietta Fore aýtdy.