Türkmenistanyň Gümrük gullugy dolulygyna elektron ulgama geçdi

2020-nji ýylyň 1-nji ýanwardan başlap, Türkmenistanyň Döwlet gümrük gullugy gümrük amallaryny «ASYCUDA World» ulgamynda dolulygyna elektron görnüşde resmileşdirmäge başlady. Türkmenistanyň Gümrük gullugynyň resmi saýty habar berýär.
Bu ulgam ýylda 16 mln-dan gowrak gümrük amallaryny awtomatlaşdyrylan ýagdaýda işläp taýýarlamaga mümkinçilik berýär. Bu gümrük resmileşdirmelerine sarp edilýän wagty tygşytlamaga, şeýle hem ýükleriň gözegçiligi we üstaşyr geçirilmegi boýunça işleriň howpsuzlygyny ýokarlandyrmaga ýardam eder.
2019-njy ýylda Türkmenistanyň Döwlet gümrük gullugy we Birleşen Milletler Guramasynyň Söwda we ösüş boýunça Konferensiýasy (UNCTAD) «ASYCUDA World» atly utgaşdyrylan gümrük maglumatlar ulgamyny ornaşdyrmak boýunça tehniki hyzmatdaşlyk baradaky taslamalaýyn Ylalaşyga gol çekdi.
Taslama birnäçe tapgyrda amala aşyrylýar, şol sanda ýurduň gümrük edaralaryna ornaşdyrylýan eksport modulyny tanyşdyrýan okuw sapaklary gurnaldy. Okuw prosesiniň dowamynda oňa gatnaşyjylar maglumatlar ulgamynda gümrük deklarasiýalary bilen işlemek proseslerini öwrendiler.
Gümrük amallarynyň awtomatlaşdyrylmagy serhetara söwdanyň ösmegine we işewürliginiň halkara arenasynda öňe ilerlemegine ýardam eder.