«TMCARS-yň» hormatly ulanyjylary, okyjylary we hyzmatdaşlary!
Sizi Täze — 2020-nji ýyl bilen tüýs ýürekden gutlaýarys!
«TMCARS» eýýäm birnäçe ýyllaryň dowamynda öz ulanyjylarynyň isleglerini öwrenýär we internet söwdasy, reklama hyzmatlary boýunça hyzmatlarynyň hilini barha ýokarlandyrýar. Türkmenistanyň belli awtomobil portaly öz ugrundan öňdebaryjy orny eýeleýär.
Biziň hünärmenlerimiziň öz işine professional çemeleşmeleri, operatiwligi ulanyjylarymyzyň arasynda oňyn seslenme tapýar.
Geçip barýan 2019-njy ýylda biziň bilen netijeli aragatnaşyk saklap, hyzmatdaşlyk edendigiňiz üçin Size tüýs üýrekden hoşallygymyzy mälim edýäris! Nesip bolsa, geljek ýylda hem hyzmatlaryň ýokary hili we täze görnüşleri bilen siziň islegleriňizi kanagatlandyrmak ugrunda zähmetimizi gaýgyrmarys.
Täze ýyl baýramy elmydama diňe gowulyga, ýagşy işlere ruhlandyrýar. Goý, 2020-nji ýyl her bir türkmen maşgalasy üçin düşümli, üstünlikli, bereketli, ýakymly täzeliklere baý ýyl bolsun! Ýürekleriňizde beslän ähli arzuwlaryňyz hasyl bolsun!
Size we Siziň ýakynlaryňyzyň ählisine jan saglygyny, rysgal-bereketi we meýilleşdiren ähli başlangyçlaryňyzyň rowaçlanmagyny arzuw edýäris. Täze ýylyňyz gutly bolsun!
Hormatlamak bilen, «TMCARS-yň» işgärleri.
«TMCARS-dan» Täze ýyl gutlagy
- 31.12.2019 13:17
- 9.3k+
