Täze ýyl mynasybetli Aşgabatda binalaryň iň gowy bezegi bäsleşigi geçirilýär

Şäher häkimligi şu ýyl şäher köçeleriniň, binalaryň ýanyndaky ýer bölekleriniň, seýilgähleriň iň gowy Täze ýyl bezegi boýunça bäsleşigi geçirýär.
Türkmen döwlet neşirýat gullugynyň habar berşi ýaly, bäsleşige 20-ä çenli jemgyýetçilik dynç-alyş ýerleri we seýilgähler gatnaşýar. Bäsleşigiň dowamynda şol seýilgähleriň ýolbaşçylary baýramçylygy görüş äheňlerini görkezerler. Bäsleşik 25-nji dekabra çenli dowam edip, onuň netijeleri Täze ýyla golaý — 28-nji dekabrda mälim ediler. Şol gün ýeňijileri sylaglamak dabarasy geçiriler. Ýeňijiler üç sany baýrakly orny paýlaşarlar. Baýraklar hökmünde «Awaza» dynç alyş zolagyna birnäçe maşgala ýollanmalary hem-de telewizor goýlan.
Bäsleşik paýtagtyň iň gelim-gidimli ýerlerini ajaýyp bezegler bilen bezäp, Aşgabadyň ýaşaýjylaryna we myhmanlaryna ýetip gelýän Täze ýylyň baýramçylyk ruhuny sowgat etmek we baýramçylyk äheňini döretmek maksady bilen geçirilýär. Şol bir wagtda bezeg işlerinde milli äheňlere we sýužetlere aýratyn üns berilýär.
Bäsleşigiň emin-agzalar toparyna döwlet we jemgyýetçilik guramalarynyň wekilleri girer. Guramaçylaryň belleýşi ýaly, bäsleşigiň jemleri jemlenilende, özboluşlylyk, gaýtalanmazlyk, dizaýnerleriň işleriniň düýpliligi nazara alnar.