BMG-niň Baş Assambleýasy 19-njy dekabrda plenar mejlisinde «Merkezi Aziýada durnukly syýahatçylyk we durnukly ösüş» atly ýörite Kararnamasyny kabul etdi. Özbegistan tarapyndan işlenilip düzülen we bäş sany Merkezi Aziýa döwletleri tarapyndan öňe sürlen resminamanyň taslamasy BMG-niň agza döwletleriniň ählisi tarapyndan biragyzdan goldanyldy.
Resminama awtordaş bolup Demirgazyk we Latyn Amerikasyndan, Aziýadan, Afrikadan we beýleki kontinentlerden jemi 50-den gowrak döwlet çykyş etdi.
Kararnamada 2030-njy ýyla çenli döwürde durnukly ösüş ulgamynda Gün tertibini durmuşa geçirmek boýunça Merkezi Aziýa döwletleriniň tagallalarynyň möhümligi bellenilýär. Resminama laýyklykda, gadymyýetde Merkezi Aziýany kesip geçen Beýik Ýüpek ýoly we syýahatçylygy ösdürmek boýunça bu günki şertler daşary ýurtly syýahatçylaryň bu sebite gyzyklanmasyny artdyrýar.
Bilermenleriň habar bermegine görä, dünýä boýunça eksportyň 7%-i syýahatçylyk ulgamynda, şeýle hem on bir sany iş ornuň biri we dünýäniň jemi içerki önüminiň ösüşiniň 10%-i syýahatçylyga düşýär. Syýahatçylyk 400 sany pudaga utgaşdyrylan, her ýylda 1,5 trillion amerikan dollary möçberinde girdeji üpjün edýär.
BMG Merkezi Aziýada durnukly syýahatçylyk boýunça kararnama kabul etdi
- 22.12.2019 23:55
- 2.6k+
