BMG-niň ÖM Türkmenistana söwda mümkinçiliklerini artdyrmaga ýardam edýär

BMG-niň Ösüş maksatnamasy şu ýylyň dekabryndan başlap, Türkmenistanyň milli söwda mümkinçiliklerini artdyrmaga ýardam edýär. hyzmatdaşlyk boýunça täze taslama Türkmenistanyň Söwda we daşary ykdysady gatnaşyklar ministrligi bilen bilelikde amala aşyrylýar. Bu barada BMG-niň ÖM-niň metbugat gullugy habar berýär.
Taslamanyň maksady — ýerli hünärmenleriň bäsdeşlige ukylylygyny ýokarlandyrmak üçin adam kapitalynyň ösdürilmegi we adam intellektini ykdysady ösüşiň hereketlendirijisine öwrülmegi.
Şeýle hem taslama türkmen eksportynyň diwersifikasiýalaşdyrylmagyny we eksportda ýokary nyrhly önümleriň möçberleriniň artdyrylmagy maksat edinilýär. Bu öz gezeginde ýurduň importa baglylygyny peselder, diýip resminamany işläp düzüjiler hasaplaýar.
«Ykdysadyýetiň diwersifikasiýalaşdyrylmagy türkmen hökümeti üçin örän wajypdyr. Biz söwda ýaly möhüm ulgamda BMG-niň ÖM-niň hökümet bilen nobatdaky täze hyzmatdaşlyga başlaýandygyna örän şatdyrys» diýip, BMG-niň Ösüş maksatnamasynyň Türkmenistandaky hemişelik wekiliniň wezipesini wagtlaýyn ýerine ýetirijisi Natia Naswlişwili belleýär.