Xiaomi kompaniýasy täze «Mi Step Out» torbalaryny çykardy. Olar noutbuk üçin niýetlenilmese-de, sport eşikleri, aýakgaplar we başga-da peýdaly ownuk-uşaklar üçin iň ýerine düşen karar bolup biler.
Olar suw geçirmeýän köp gatly örtüge eýe bolan 600D berk poliesterden taýýarlanylýar. Onda iki bölek bolup, olaryň ikisi hem çygdan gorag syrma bilen örtülen. Torbanyň sygymy – 12 litr.
Xiaomi «Mi Step Out» torbasynyň agramy bary-ýogy 200 gram, bu bolsa ony gezelenç üçin ulanmaga hem amatly edýär – ony bazarlama wagtynda ýa-da geýimleriňi götermek üçin ätiýaç torba hökmünde ýanyňa almak bolýar.
Torbalar heniz diňe Hindistanda hödürlenildi, ol ýerde olar dört reňkli görnüşde satylar: gara, gara-gök, gök we gyzyl.
Xiaomi arzan hem ykjam «Mi Step Out» ýantorbalaryny hödürledi
- 20.12.2019 23:35
- 2.6k+
