Huawei P40 Parižde martyň ahyrynda geçiriljek ýörite çäre wagtynda görkeziler. Bu barada brend alyjylar bölüminiň ýolbaşçysy Riçard Ýu ady bilen tanalýan Ýuý Çendun fransuz metbugatyna beren interwýusynda habar etdi.
Tanyşdyryşyň anyk senesi heniz atlandyrylanok. Ýöne top-menejer Huawei P40 we P40 Pro smartfonlarynyň mundan öňki lineýkalarda görkezilenlerden tapawutlanýan, düýbünden täze dizaýna eýe boljakdygy barada wada berdi. Mundan başga-da, ýokary derejedäki kamera, maksimal öndürijilik we awtonomlygyň kämilleşdiriljekdigi hem aýdyldy.
Ýene bir bellemeli zat, Riçard Ýu smartfonuň bar bolan ähli kanallar boýunça, şol sanda operatorlaryň hem-de araçylaryň üsti bilen ýaýradyljakdygyny aýtdy. Ol telefonuň EMUI interfeýsli Android 10 dolandyryşyň esasynda işlejekdigini nygtaýar. HarmonyOS içerki operasion ulgam smartfonlarda heniz ulanylmaz.
Riçard Ýu smartfonuň täze programmalar toplumyna we Huawei P40 bilen bir wagtda işe giriziljek Huawei Mobile Services serwisine eýe boljakdygyny aýdyp, sözüniň üstüni ýetirdi. Ýatlap geçsek, Huawei Mate 30 Google programmalaryndan we serwislerinden mahrum bolupdy.
Huawei P40 smartfony 2020-nji ýylyň martynda çykar
- 19.12.2019 23:30
- 3.7k+
