Tencent hytaý giganty 16-njy dekabrda ýurtda ikinji nesliň elektron kitaplaryny okamak üçin Tencent Pocket Reader II ady bilen täze gurluşy resmi taýdan işe girizdi. ABŞ-nyň 158 dollary bilen bahalandyrylan bu önüm birnäçe reňkli wariantda hödürlenilýär: gara, ýaşyl we gyzyl.
Tencent Pocket Reader II 130 gramdan gowrak massaly bolup, 145x75x8,5 mm göwrüme eýedir. Ol 284 PPI pikselli we elektron syýa tehnologiýaly 5,2 dýuýmlyk Carta 2 ekran bilen üpjün edilen. Ekrany ýagtylandyrmak üçin 36 sany diod yşyklary ulanylýar. Köp sanly döwrebap smartfonlar dünýäsinde ol hakykatdan-da “körpeje smartfondur”.
Enjam ARM Cortex – A53 ýadrolaryndan ybarat bolan dört ýadroly prosessor esasynda döredilen. Enjamda şeýle-de ulanyjylara sahypalary geçirmäge mümkinçilik berýän fiziki düwmeler hem oturdylypdyr.
Şeýle hem önüm 4G torunda hem işläp bilýär, ýagny onda jaň etmek hem-de tekst sms-lerini alyşmak mümkinçiligi hem bar. Elbetde, onda Wi-Fi moduly hem bar. Ulanyjylar awiarežimi-de işledip bilýärler.
Şol bir wagtda gajet ulanyjylara öz kitaplaryny Bluetooth ýa-da USB-niň üsti bilen import etmäge-de mümkinçilik berýär. Ol täzelenme režimini özbaşdak saýlap bilýär we okamak üçin köp sanly programmalary bar.
Enjam 2000 mA/sag sygymly akkumulýatordan iýmitlenýär we USB-C zarýad berme porty bar.
Kiçijik elektron kitap hödürlenildi
- 18.12.2019 06:21
- 2.2k+
